Rose-Colored Times

2006-11-16T13:42:00.000-08:00

skál fyrir ljúfa lífinu...

ég get ekki ímyndað mér betra veður en á haustin. ég fór í göngutúr í dag í hverfinu mínu, þingholtunum. það var sól, logn og þögn. fyrir utan fullt af fuglum sem voru að halda partí. og köttur sem mjálmaði út um gluggan sinn. ég skil hann alveg, milljón fuglar að ögra honum og hann greyið læstur inni. það var smá rifa á glugganum hjá honum á annarri hæð og hann rétt náði að finna ilminn af lostætinu hinum megin við húsið. ég gekk áfram götuna þar sem húsin voru gömul, falleg og þögul. en, allt í einu var ég ekki lengur á sama stað, jú þetta var sama gatan en húsin urðu allt í einu ljót, köld og skítug. glerbrot voru á götunni og rusl hér og þar. og áður en ég vissi það var ég stödd á laugarveginum.

2006-05-09T18:32:00.000-07:00

i´ll always be by your side...

and make you apple pies.

já þetta er að verða eintómt næturblogg hjá mér, andvöku eirðarleysis bull. get með engu móti hugsað mér að sofa, læra né lifa. djók.
dagar mínir eru búnir að einkennast af lágmarks lærdómi, prófum, áti...passið ykkur, ég borða allt sem ég kemst í. já og svefnleysi sem lagast einhvernveginn alltaf á morgnana þannig að ég sef til hádegis.

ljósi punkturinn við allt þetta eru tónleikar með CocoRosie 17. maí, bandaríkin 19. maí og sól og sumar. í sumar ætla ég að vera aktív, ekkert hangs og engin leiðindi. ég las í stjörnuspánni minni að hluti að sköpunargáfu minni væri vetrardvali. held að það sé rétt...örugglega fyrir marga aðra líka. veturinn, þó svo að ég elski hann, leggst yfir mig eins og þungt teppi. get ekki framkvæmt, hugsað almennilega og allt stendur í stað. en nú birtir til og léttir á sálinni.

jæja ég ætla lesa aðeins meiri næringarfræði...og reyna svo að sofna.

2006-04-26T19:25:00.000-07:00

....

tíminn læðist áfram
klukkan er hálf þrjú um nótt
fór fram á bað og fann félagsskap
einn silfurskotta ráfandi um í hringi og vissi ekki neitt
annað en ég sem veit að stelpuskottur eiga að vera uppí rúmi
en ekki pikkandi á lyklaborð á tölvu sem býður upp á ókeypis tilfinningabroskalla
vei

góða nótt

2006-04-04T16:28:00.000-07:00

....

með kyrrum kjörum
í kollinum kári hvílir.
úti hvæsir tómið
í sænginni kúrir dúnið.

2005-10-10T14:02:00.000-07:00

jæja ég fann síðuna og skil hvernig bloggheimurinn virkar. var að koma úr skólanum og er á leið í vinnuna, næ rétt að borða mig sadda og dreyma um að ganga um stræti í París. Mamma og pabbi voru í San Francisco og sendu mér souvenir þaðan...Postcards from Paris, gömul póstkort í dagatali fyrir árið 2006. Það er yndisleg lykt af þeim, svona reykelsis ilmur. Hér á Íslandi er einungis lykt af nístíngskulda og hvassviðri, laufin fara bráðum að gefast upp og veturinn að skella á.

annars er lítið að frétta nema ég fór vestur í Borgarnes á laugardaginn. Þar var hin árlega Sauðamessa, ég skemmti mér þó aðalega yfir fólkinu sem mætti á svæðið. Gamlir bændur í lopapeysum, gúmmístígvélum, húfum og með nokkra daga gamalt skegg. Einn fór upp á svið og vann lambalæri fyrir keppni í smalahrópi. Þegar hann var komin með það í hendurnar leit hann út eins og kjötkrókur og endurtók hrópið sem hljómaði einhvern veginn svona: UUrrradda urrada tææta taæta skvetta skvetta. Hehe.

Jæja ég ætla að reyna fá mér lúr fyrir vinnuna

2005-10-09T16:52:00.000-07:00

ég finn ekki mína eigin síðu...hvar er hún?